雖然毛毛冇機會（說穿了即係冇錢冇假期）去啲冰天雪地嘅地方旅行，不過都會成日上網睇啲海豹海獅仔嘅得意相㗎！

最近有個德國攝影師喺加拿大魁北克見到幾隻豎琴海豹BB等緊媽咪搵野返嚟畀佢哋食，佢就拎起相機同佢哋影寫真喇～

啲海豹BB唔單止唔驚人，仲好似識擺定甫士任影唔嬲咁呀！真係超打耳超打耳超打耳！

笑咪咪嘅海豹BB～

影我啦影我啦～我擺好甫士㗎喇～

聽講海豹BB仲會主動接近部相機，想睇下係咪媽咪返咗嚟㗎～好喇認真毛又要出動喇，雖然海豹BB住喺離我哋十萬八千里嘅地方，但如果我哋唔好好愛護環境，搞到全球暖化問題加劇，咁得意嘅雪地動物就會受到威脅㗎喇……如果你想你第日個BB都仲可以對住海豹BB張相大嗌好打耳呀，就諗下應該點做啦！

封面圖片、資料來源：鏡報