好西大家就食得多喇，但好西瓜又應該點食呢？毛毛呢啲日日捱面包嘅窮L，又點知喎。不過外國一個男仔就完美示範咗點樣品嘗一個西瓜！原來識食，一定係連皮食！

呢個著住橙衫嘅細路本身就睇緊波嘅，點知就畀鏡頭捕捉到佢捧住個西瓜，再面不改容咁連皮都食埋，呢個畫面震驚全場13億人，仲連旁述都O晒嘴呀！

後嚟呢個細路紅到上埋電視，先知道原來佢係一個電台主持人嘅仔，所以佢都想好似爸爸一樣，娛樂吓大家。咁啱佢又見過有啲人會喺鏡頭前做啲爆嘢上位，自己都好想試吓喎～

連埋皮食係咪會好味啲，毛毛就真係唔知喇，但就咁睇片都覺得個胃頂住頂住⋯⋯

資料來源：BBC NEWS 、Youtube

封面圖來源：BBC NEWS