毛毛唔明呀，點解12生肖冇貓貓嘅？貓貓明明又打耳又幫得手，好應該畀返個名份佢哋囉！不過做唔到12生肖，扮下都可以啩～？好似呢隻貓貓咁，嚟緊猴年一定大把人錫呀！

日本1月1號就已經係猴年喇，咁就梗係要應下景，擺返啲馬騮嘢裝飾下啦，捉唔到隻真馬騮，呢隻都錯喎～

呢隻黃毛貓貓啲毛色同佢件衫仔好襯呀！係個天生貓樣唔太似馬騮啫～

不過唔緊要嘅！佢有道絕招，就係食香蕉！睇下佢食到眼都擘大埋、舐舐脷咁，話唔定前世真係一隻馬騮喎～

唔好以為隻隻貓都鍾意食蕉呀，睇下呢隻貓，一見到香蕉就毛都直埋喇。

Btw，有啲人就擔心貓貓著住件衫會唔會唔舒服，同到底可唔可以食蕉，毛毛就唔知佢辛唔辛苦，但據講貓貓係食得蕉嘅，淨係食少少嘅話就冇事～

雖然佢扮馬騮食蕉扮得幾開心，但佢啲同類就唔係好明白佢喇。嗯嗯嗯，做一隻有特色嘅貓同做個有特色嘅人一樣，都係好有難度嘅，毛毛明㗎～

封面圖片來源：10 Cats. 
資料來源：10 Cats. 、pet-love
睇多兩隻打耳貓貓：【世上最打耳嘅握手位】貓貓攝喺樓梯位任握唔嬲、【心痛死喇】病貓食藥食到流眼淚