呢段片最近喺網上瘋傳，入面個司機阿叔厚面皮到真係毛毛都驚呀！

是咁的，話說片入面個地方係有個正常嘅私家車車位嘅，之不過呢個阿叔一嘢就打橫轟架車入去，仲頂住後面嗰5個電單車車位，之後拍下個籮柚就走咗去買餸，搞到其他要泊車嘅司機企晒喺度等佢返嚟！點知阿叔返到嚟見到有人等緊佢，一啲都冇唔好意思，仲好串串貢?呀！

阿叔語錄：「入唔到咪唔好入住囉～」、「你鬧我粉腸？你臘腸呀！」、「你叫就叫呀？」、「我唔理～」嘩呢啲說話唔係人人都講得出㗎，毛毛都要頒返個全宇宙最厚面皮大獎畀呢個阿叔呀真係。可惜呢個阿叔唔知自己已經一嘢撻著晒班等緊佢讓位嘅司機，有網民仲瘋狂幫佢改圖，幫佢贈慶?呀！

嗯，毛毛隔住個mon都feel到佢哋真的嬲怒了呀！唔得，等毛毛都出返分力先！

亂泊又點喎～我唔理～想欣賞下阿叔嘅英姿嘅話，嗱link喺下面呀。

封面圖片來源：Yeunh Wan C/Mike Mang

資料來源：Tai Po 大埔