之前友台《蘋果日報》facebook page關於李波事件嘅post同其他post，係咁畀垃圾留言瘋狂洗版，到底啲留言喺邊度嚟嘅呢？

我哋有位讀者SuperZ為咗呢件事進行咗偵探式調查，佢inbox咗呢班有份留言嘅人士，同佢哋了解過呢啲留言係點嚟。


SuperZ發現，原來佢哋係被留言㗎，呢班人話完全唔知道自己個account畀人用咗嚟留言，應該係畀人hack咗個account自動留comment呀！

SuperZ分析話，佢留意到呢班大部分都係男士，估計係佢哋係因為click咗入一啲假嘅色情網站，結果畀人hack咗個account利用佢哋去惡意留言呀！

本身網民以為係有人收買啲人去comment，但係咁講法即係一買一賣都唔係喎，如果係咁即係有組織有預謀嘅電腦犯罪啦，喂重案組仲唔查案用不誠實使用電腦罪拉人！？

來源：蘋果日報、trendmicro