球場上一班球星入波助攻，踢出一場又一場令人讚嘆嘅球賽，背後其實有好多無名英雄支持佢哋。

就好似巴塞前鋒、烏拉圭嘅主力射手蘇亞雷斯，佢嘅國家隊體能教練費拉拿，為咗醫蘇亞雷斯嘅膝傷，寧願暫停自己嘅癌病療程，希望蘇亞雷斯可以喺世界盃出場，令蘇亞雷斯可以實現踢世界盃嘅夢想。

而蘇亞雷斯都不負教練所望，趕得切喺對英格蘭嘅賽事復出，最後更加攻入兩球，帶領烏拉圭出線。

可惜，呢位以球員為重嘅偉大教練，今日終於不敵癌魔，與世長辭。

蘇亞雷斯當然冇忘記教練無私嘅付出，喺Twitter感激、懷念同佢喺球場上相處嘅情境。

呢位偉大嘅教練，叫費拉拿，多謝你喺足球界嘅付出。

資料來源：sportskeeda、LuisSuarez9 / Twttier

封面圖來源：sportskeeda