喵星人成日都好cool咁，想?啖佢又會推開你，唔摸下佢又會啤9你，真係仲難捉摸過女神呀。不過原來喵星人冷漠嘅外表底下，都係好有愛㗎！

呢隻貓貓Nala成日都會唔見咗人，主人都唔知佢去咗邊～唔通係去咗周圍捉米奇老味食？直到有一日，貓貓帶埋張紙帶返屋企，真相就揭開喇！

張紙唔係Nala自己寫，係有個人寫咗放喺貓貓度帶返屋企嘅～原來佢係去咗一個啱啱失去咗隻21歲愛貓嘅鄰居度，安慰人哋呀。Nala去到人哋屋企門口，會係咁喵喵叫，到鄰居開門畀佢入屋，佢就當正自己屋企咁行嚟行去～好似知鄰居掛住走咗嘅貓貓，就特登過去陪人哋咁呀。

最神奇嘅係，Nala當初都係喺女主人冇咗隻21歲貓貓嘅時候突然出現，做咗自來貓嘅～之前都有隻貓貓唔知咗8個月，原來係去咗搵返走失嘅妹妹返屋企呀～又會咁啱得咁橋嘅，其實呢幾隻係咪貓仙人嚟㗎喵～？

封面圖片、資料來源：reddit

延伸閱讀：【貓哥哥叻叻】失蹤8個月後帶埋走失妹妹返屋企