噚日全城叫雞，毛毛都忍唔住啪咗幾十隻，不過就唔使偷渡去大陸咁麻煩啦，因為總有間喺左近……咩呀！毛毛講緊麥樂雞買一送一咋！

有個老朋友就腥咗個訊息畀毛毛，話佢媽咪買咗盒麥樂雞做餸，仲擺得靚靚咁?～

毛毛將老朋友個訊息公開之後，好多老朋友sssss（讀者）都腥咗佢哋獨門嘅麥樂雞創意料理畀毛毛參考，睇到毛毛流晒水……Well，I mean 口水呀！首先嚟個頭盤先，登！櫈！生蝦麥樂雞壽司（走飯）！

毛毛已經幻想到嚿生蝦麥樂雞壽司喺口入面冰火交纏嘅感覺，正呀喂！之後開始食正餐，要品評嘅就係呢道麥樂雞爆炒郊外油菜！

嗯嗯，毛毛齋睇相都感受到充滿啖啖麥樂雞香嘅郊外油菜呀！想有新鮮感啲，用嚟炒娃娃菜亦得，得咗！

跟住要介紹嘅就係呢味家傳咕嚕咕嚕麥樂雞喇！

讀者仲無私分享呢味家傳小菜嘅秘方?！

睇落要整呢味餸都其實唔難，等毛毛都試下整畀女神食先！加埋呢個鐵板餐就pecfect池喇！

冇錯，就係鐵板麥樂雞餐，仲有啲醬汁?！又或者好似呢位讀者咁撈啲紅咖哩汁做一味紅咖哩麥樂雞，用嚟送飯簡直一流呀！！

睇下睇下，未食晏嘅毛毛都覺得好肚餓喇～不過計毛毛話齋，識食一定係咁樣食先最正！

麥樂雞配頂級野生魚子醬（好似係）！嗱～邊個話食M記一定係cheap吖？如果喺M記搞男神選舉，毛毛拎樽魚子醬出嚟，哼！一定大把女女撲嚟毛毛呢邊講：「我覺得你……樽魚子醬好靚呀！！！」

封面圖片來源：麥當勞
資料及圖片來源：100毛Facebook