2016年01月07日 星期四
【豪華浴缸單人床】浴室當房租都得？
話說有個蘇格蘭網民用450鎊租咗間房（即係5000蚊港紙左右），點知一去到就發現間所謂嘅房原來係浴室？！聽講個包租公仲建議佢瞓浴缸、鋪晒被鋪畀佢瞓?～嘩，真係夠晒服務周到喎！
嘩！毛毛以為香港嘅土地問題嚴重啫，估唔到連外國都係咁......不過有自己一間房咪算好囉，香港地好多人仲要同兄弟姊妹瞓同一間房㗎！btw，其實香港之前夠有單「腦細迫員工瞓浴缸事件」咯，仲要係兩個員工瞓一個浴缸?呀！
不過老老竇竇，有得孖鋪訓浴缸咪算好囉，起碼個腦細唔係叫啲同事同佢一齊孖鋪吖......
封面圖片來源：dannyandrews75／twitter
