2016年01月08日 星期五
【有錢就是任性】強國300萬金毛像 起好一個月都冇就被拆！
毛毛聽講前排喺強國河南有個建築物，震驚全宇宙，巧威威㗎喎！
呢個金毛飛，吖唔係，係金光閃閃嘅毛主席像，聽講係用咗300萬人仔嚟興建，絕對係世界級工程嚟㗎！
點知，毛毛都未嚟得切同腦細請假去拜會下毛主席，佢已經……喺噚日畀人收咗皮喇！嗚嗚！
有網民喺微博度post咗張毛主席像甩皮甩骨嘅相，話原來經過傳媒廣泛報導之後，呢個金毛像已經喺噚日（即係1月7日）畀人逐忽逐忽咁拆走喇：
唉，唔通人哋覺得個像唔夠豪華唔夠高唔夠靚想起過個新一個，又要話畀你哋班蟻民知咩！我哋香港都有個造價過億嘅高鐵啦，有錢就是任性呢啲嘢，我哋啲廢青識條鐵咩真係。
封面圖片來源：微博/騰訊新聞
