曾經，世界上出現過一篇感性文呃到千萬妹豬嘅淚水。呢篇文係一個男仔寫嘅，佢話願意喺女女M到嘅時候同佢沖熱水涼換床單沖熱茶陪住佢攬住佢，總之男人一聽到就哎呀呀聲，女人聽到yeah yeah聲。毛毛自問，都肯做齊呢啲嘢呀（如有女），不過點解都係追唔到女神呢？

可能係因為呢啲嘢都仲未夠warm，未令到女神感受到愛呀！

呢兩日有成10幾個讀者些牙咗呢個手作班畀毛毛，想幫毛毛追到女神，真係超滾動呀！原來係一個教男仔整棉布M巾嘅手作坊！好多網民都話覺得棉布M巾用完又用好核突，又有男仔話好似冇晒樽鹽咁，come on，其實棉布M巾喺外國流行咗好耐㗎喇～

棉布M巾最大特點梗係環保啦！嗱你屈埋晒啲手指一算，女人由青春期到更年期大約40年，嚟大約500次M，嘩…… 知唔知成世人用咗幾多塊M巾呀？全部掉晒落堆填區，幾唔環保呀？

只要洗乾淨，棉布M巾係唔核突嘅～仲好環保?～不過送畀女神好似激咗啲……你唔畀毛毛個女神停咗經㗎？

封面圖片、資料來源：愛惜工房

延伸閱讀：【姊妹毛】呢啲男人去邊度搵？