睇嚟世界上有唔少黑頭髮黑眼睛黃皮膚嘅人都好怕畀人誤會自己係強國人呀下，包括香港人、台灣人，同Mini人。

早排有個日本男人北出哲願娶咗個台灣老婆，點知佢老婆個戶籍欄竟然唔係寫「台灣」，而係寫「中國」呀！佢哋兩個梗係好唔開心啦，去申請改返戶籍，點知就話係日本政府要求寫做「中國」，冇得傾。

呢兩公婆表示，台灣係日本非常重要嘅朋友，東北大地震嘅時候，台灣人捐咗好多錢畀日本，希望兩國可以維持友好關係，唔好放任呢個戶籍問題唔理。所以佢哋仲喺網上發起聯署，想多啲人關注呢件事，個聯署開始咗3個月，已夠有2萬幾人簽名喇。

北出哲願喺facebook講嘅說話，毛毛覺得講得好啱呀……「被強國籍」，唔止對台灣人，對香港人嚟講，都係一件好悲哀嘅事。

其實香港咪同台灣差唔多，畀人強行冠名，唉……

封面圖片來源：台湾出身者の戸籍を中国から台湾に改正を

資料來源：台湾出身者の戸籍を中国から台湾に改正を、聯署專頁