前排嘅仙氣事件，個個都係度笑個男仔煩住女神。但毛毛明呀！佢只不過係對愛情太過執著咋嘛！而最近又有一個痴心男，為咗搵返十幾年前喺?度一見鍾情嘅女神，喺自己棟大廈度貼晒尋人啟事，誓要搵返女神咁話呀！

佢首先喺?口度貼尋人啟事，上面講咗佢同女神嘅相遇經過，原來十幾年前，佢哋正正就係喺?度第一次相遇！痴心男仲話好愛佢，希望女神可以同佢聯絡。

呢個只係佢第一波嘅愛的攻勢。為咗更快咁搵到女神，佢喺每家每戶嘅信箱度都放咗張聖誕卡，上面仲有佢哋愛情故事嘅完整版?！

毛毛都知too long你班友don’t read㗎喇，等我大概講下啦。是咁的，佢話14年前第一次喺?度遇見女神，雖然只係短短3分鐘，但佢已經深深咁愛上咗佢（同時佢都覺得女神係鍾意佢嘅，仲已經當咗佢係自己女朋友?，好似係）。佢話呢三分鐘係佢人生之中「最快樂最珍惜……（下刪2046字）嘅時光」，可惜當時同?嘅痴心男媽咪好似講錯咗說話，搞到女神嬲嬲豬，所以佢好想搵返女神出嚟同佢道歉，仲話「如果可以時光倒流佢會打到媽媽起不了身再衝入電梯問女神拎電話號碼」?！呢幾張相放咗上討論區之後，有摩擦力很強嘅網民就發現，原來呢個痴心男喺12月頭已經開post話要貼街招搵女神㗎喇！

講得出做得到！真漢子！毛毛欣賞你呀下！希望你搵得返女神啦！之不過就唔好打媽媽喇，因為阿媽先係你嘅真﹒女神呀衰仔！

封面圖片及資料來源：香港討論區（一）、香港討論區（二）