強國對食材嘅執著，不嬲都創意十足，豬肉淨係攞嚟食？NONONO，唔夠㗎！一隻上品靚豬，仲要識發光！

是咁的，有個重慶男人用咗600蚊人仔，買咗幾十斤豬肉返屋企。醃咗一晚之後，諗住第二日用嚟整香腸啦，點知一起身入到廚房，就見到陣陣藍光，仲以為邊度嚟咗堆螢火蟲，一睇先知，原來係堆豬肉發光！

個男人嚇到即刻走去投訴，有關部門檢驗後就話，疑似磷含量超標。食完冇嘢嘅，會令人唔可以充份吸收鈣質，容易引起骨折同牙齒脫落之類之類啫，強國人身體質素咁好，冇事嘅！

原來藍光豬肉以前都喺強國出現過㗎喇。豬呀豬，無論喺邊度，你都好似漆黑中嘅螢火蟲一樣，咁鮮明，咁出眾！

唉，強國人，投咩訴吖，有得你食，就好感恩啦！

資料來源：自由時報

封面圖片來源：自由時報、kaixin001