對毛毛嚟講，最嚇到個心離一離嘅事就莫過於半夜三更收到腦細WhatsApp......不過，都唔及呢位網友同學朝早起身見到嘅情景咁驚嚇！

嘩嘩嘩，成條褲精？乜咁唔小心呀......不過睇真啲張相，精就冇喇，直筆甩嘅褲就有一條，做咩事先而家？

哦！毛毛明白了，原來佢係講緊條褲煉成咗精呀～唔通條褲畀主人着得耐有感情，想化身成人同佢主人報恩？

其實呢個世界邊有咁多（妖）精吖，條褲係因為天氣太凍，凍到硬咗，先至直筆甩啫～好似呢啲廢墩化身成長裙少女，行埋嚟先夠奇情㗎嘛！

Btw，就算真係有妖精又有咩好怕喎！毛毛日日睇新聞都見唔少啦，佢哋咪仲得人驚......

封面圖片來源：噗尺/微博
資料及圖片來源：噗尺/微博、博海拾遺/微博

更多聊dry故事回帶：【現代聊dry】隔離墩妖精