貓貓你都鍾意食杯麵？毛毛都好鍾意㗎！下？你話你唔鍾意？咁你做乜成個頭塞落個杯麵兜度呀？咩話？主人迫你帶杯麵頸箍？虐待嚟㗎喎，快啲話畀可以信賴嘅人聽啦！

哦～個主人話呀，原來個杯麵碗係為咗唔畀貓貓亂舐傷口先會咁做㗎！係毛毛都知你為咗貓咪好，但毛毛隔住個mon都feel到呢隻貓咪嘅哀怨呀.....唔好嬲啦，你睇下，其他貓咪都有咁戴㗎！都幾打耳吖喵！

為咗等啲貓貓唔會亂舐搞到傷口惡化甚至細菌感染，用住杯麵碗嚟應急，既方便又快捷！睇醫生嗰陣先換返個普通版囉。

不過喵星人最開心嘅就梗係咩都唔返戴啦！健健康康先係最靚仔吖嘛！
 

封面圖片及資料來源：lechocona/twitter