雖然毛毛係一個文青（應該係，除非唔係），但我都好欣賞啲地盤大佬！佢哋敢言嘅性格，真係好型棍呀！好似之前嘅一句KO打尖OL：

啲霸氣真係漏晒出嚟！但原來除咗麻甩之外，佢哋都有充滿愛心嘅一面㗎！

有網友就喺港島炮台山影到呢幕令人滾動嘅畫面！佢話一開始見到有個婆婆企咗喺路口度，因為行得太慢所以等咗好耐都過唔到馬路。呢個時候，就有個真男人出現拯救咗婆婆喇！

佢唔單止一路拖住婆婆陪佢慢慢行，仲護送婆婆去到舖頭門口！唔計較付出咁去幫人，呢啲咪真正嘅獅子山下體現香港精神囉！希望香港愈嚟愈多好人好事，少返啲廢人9噏就好喇，唉。

封面圖片及資料來源：二手市場淘寶站 

回帶：地盤佬一句KO打尖OL