毛毛平時畀腦細鬧嗰陣都笑笑口，以為已經係世上最友善嘅舉動，但印度有隻狗狗，令毛毛明白到乜嘢先係真正嘅友善。

呢隻虛弱到要瞓喺路邊休息嘅狗仔好慘，病到郁都郁唔到，仲眼濕濕好似喊緊咁⋯⋯

好彩過咗一陣，終於有人行埋去狗狗度想救佢！狗狗見到即刻不停咁搖自己條尾，好興奮咁示好呀！

原來救狗狗嘅係印度一個慈善組織叫「Animal Aid Unlimited」，佢哋話，隻狗狗有犬瘟熱，會發燒，咳同感冒。

不過友善嘅狗狗係會有好報嘅！經過Animal Aid Unlimited一班救護人員14日嘅悉心照顧，狗狗終於好返喇！

行得，走得，仲同其他狗狗玩到好開心。

汪！汪！汪！汪！汪！汪！汪！汪！（香港嘅朋友你哋好！）

好彩狗狗你最後好得返咋！以後都要健健康康咁搖尾呀知唔知！

資料及封面圖來源：Daily Mail