強國同胞嘅神邏輯，我哋呢啲廢青真係唔會明。

是咁的，河南有個大肚婆，陀住九個月大嘅Ｂ，喺一間餐廳食麵嗰陣，食食下竟然發現有小強呀！

咁佢梗係即刻同老闆理論啦，點知老闆聲大大咁話（請讀者自行捲脷，用普通話讀出）：「我們的特色就是蟑螂味的，愛吃就吃，鬧甚麼鬧，吃出蟑螂多正常，前幾天我自己都吃了，大驚小怪。」

之後個老闆仲話去西餐廳食飯都會食到頭髮啦，激到個媽媽即刻報公安。

老闆即刻淆晒底，死死氣賠咗300蚊了事，仲話會帶個大肚婆去做身體檢查喎。不過喺最後關頭，老闆非常之符合國情咁，趁佢檢查緊嘅時候走咗佬嚕。計毛毛話，佢咁識講嘢，死都講返生，呢啲咪叫係智慧囉！老闆呀老闆，有冇興趣嚟香港做官啫？以後正苦再有咩問題你一句就拆掂啦！水有鉛？網絡23條？被失蹤？「這是腥港特色」囉！

資料及封面圖片來源：中國網