(小提示：請讀者自己配上鍾景輝tone) 

呢個故事，發生喺烏克蘭，由一個細路懷疑被孌童癖殺手擄走嗰刻開始。

十歲嘅弗曼，半年前無啦啦唔見咗，家人好擔心，警方束手無策，每個關心弗曼安全嘅人，都做好心理準備，接受佢好大可能已遭毒手呢個事實。但到咗今個月，佢又離奇出現返呀！

原來佢匿咗喺一條叫聶伯河嘅岸邊，藏身於一間蓋滿晒白雪嘅簡陋棚屋。

呢半年嚟，弗曼靠食垃圾維生，回收廢物賺錢，自給自足。咁佢點解要離家出走？佢就看透世事咁答：逃走，只係為咗尋找幸福。

原來，真相唔係被孌童癖殺手擄走，而係佢酗酒嘅父母成日打佢，迫不得已之下，只好離家出走。弗曼而家已經搬咗返屋企住，但社會服務機構都會留意佢仲有冇被虐待。呢個故事背後嘅大道理係，有乜問題都好，要攻要守，不顫抖，露營必須酒！

資料及封面圖片來源：dailystar