細個睇歷史書嗰陣（毛毛是咪好有文化修養），都會見到有啲插畫關於原始人。佢哋嗰陣冇衫著，好多時都係披住獸皮，甚至衫都唔著，剩係用塊樹葉仔遮住重要部位：

但有冇諗過到底一塊平面嘅樹葉係點樣套上去嘅呢？日本有個媽咪就將佢神還原咗出嚟呀！

真係世事都畀呢個媽咪看透，原來塊樹葉唔係放上去，而係穿上去㗎！只要喺後面加條橡筋穿入去，咁你就可以擁有一條純天然生長靚靚樹葉底底一條㗎喇！

唔單止咁，佢仲可以用嚟做介指?！你睇下戴咗上手幾特別！話唔定吸引到啲妹豬嚟問你喺邊度買?呀！嗯，星爺真係講得好啱，就算係一張廁紙、，一條底褲都真係有佢嘅用處！

毛毛睇完都好想整返條畀自己呀！不過應該要芭蕉葉先啱我用囉，夠大塊吖嘛！咩呀？你諗咗去邊呀，啲芭蕉葉係用嚟擋太陽㗎咋！

封面圖片及資料來源：pikolinta/twitter