毛毛呢啲毒L，平時唔係喺屋企煮麵食，就係叫外賣醫肚，所以外賣紙對於毛毛嚟講係好重要嘅寶物嚟！如果畀毛毛收到下面呢張宣傳單張，真係會喊出嚟呀！

有讀者喺大埔一個天橋底度收到呢張傳單，一望之下，發現原來上面除咗有唔同嘅嘢食之外......都係得啲嘢食名。喂咁肚餓想叫外賣嗰時咪冇得218十個0 call你囉！

連背面都係咁㗎，舖頭名、餐廳地址、電話咩都冇，個讀者仲話附近係冇餐廳嘅?！唔係啩，日光日白都咁猛？毛毛9估，應該係曲線宣傳嚟㗎啫，話唔定間餐廳個名就係叫做「精選下午茶 Tea Set」呢（應該係，除非唔係）。唉，估唔到而家叫個外賣都咁難！不如咁啦，我加多$3畀你：

睇在我哋嘅感情份上，你話我知點同你叫外賣啦好冇？