偷步蟲噚日喺一個教育主題講座上面一言驚醒廣東人，話唔係個個人嘅母語都係廣東話，仲話普教中可以令學生喺寫作方面有進步，公然散播「普通話好＝中文好」呢個迷信思想。

香港著名作家胡燕青老師就喺facebook出咗個post回應偷步蟲。

胡老師話佢嘅學生入面，寫作最好嘅，絕對輪唔到普通話學生呀！仲話呀，佢嘅朋友當中，有唔少寫得一手寫極好文章嘅，都係廣東人！見到胡老師話廣東話係國寶，毛毛好感觸，點解咁有文化嘅語言，要因為一個霸道嘅政權唔鍾意，就要斬草除根？

趙學而都一樣有喺facebook回應蟲蟲嘅普教中偉論，話外國巧多城市，好似紐約同倫敦咁，都唔係全部學生母語都係英文㗎！又唔去叫人全部改用普通話教學？係囉，點解去到一個地方，唔係學人哋嘅語言，反而要人就晒佢用普通話呢？唔通有個食開齋嘅人入到燒味舖，大家就要就晒佢唔准再食肉咩？

封面圖片來源：蘋果日報、趙學而facebook

資料來源：明報、胡燕青facebook、趙學而facebook