毛毛幾時都話，唔好得罪女人！強國有個胖妹子因為身材問題畀男朋友飛咗，之後就發憤減肥，仲送返份禮物畀飛咗佢嘅ex呀！

分咗手仲送禮物咁大方？係真唔係呀？原來佢係去咗抽脂，用啲肥膏嚟整番梘送畀ex……仲喺微博咁霸氣咁話：「今年既然不能陪你一起回家了，那我就用自己的脂肪做了一塊肥皂，送給你媽回去洗洗吧！春節了，送給那些以貌取人的渣男們一份禮物！」嗚嗚嗚，唔知點解，毛毛一見到就諗起豬骨拉麵個湯底呀……

睇返佢啲舊相，都唔係好大份啫，都未夠毛毛女神細細粒咁有份量～

再睇埋佢而家啲相，嘩，真係女減18變喎！睇嚟佢嗰次分手，真係對佢造成好大傷害！

毛毛成日畀女神請食檸檬，本身都好灰9㗎，不過睇完呢個勵志故事，決定唔可以再做廢青喇！毛毛要由0進步到1！hehe！
　

封面圖片、資料來源：愛美愛吃的瀟瀟/微博