毛毛幾時都話，強國正苦係專做7事……吖唔係！係做實事先啱！好似最近重慶又推出咗個新規定，係關於煮重慶小麵嘅標準呀！嘩，真係對世界好有貢獻呀！

是咁的，呢個咁有建設性嘅規定係由重慶餐飲行業協會所寫嘅，裡面講明咗餐廳要用啲咩材料煮重慶小麵，小至一粒蔥花、一粒榨菜，長度都有限制㗎！

榨菜就限咗要切到0.3cm，而蔥花就規定要0.3至0.5cm，幾咁講究呀！千奇唔好切多切少?呀！就算係差嗰0.0000001cm，成碗麵都肯肯定已經唔同晒！不過咁搞法，下次去食碗麵咪要帶定把間尺先得囉？

呢個規定一出之後，強國嘅網民都瘋狂鬧爆，仲話搞咁多嘢不如理咗食品安全先喎。唉，少年你太年輕了，國家係為你哋好咋！啲蔥花咁樣切完肯肯定會好好食囉！仲唔快啲感恩！

封面圖片來源：wympx/微博

資料來源：中新網、微博