好似話老樹會成精，呢啲咁迷信嘅嘢毛毛就唔信嘅，不過就有理由相信呢棵樹真係幾恨揸寶馬，連跌落街都要跌落架寶馬度，遠睇以為係新品種植物發電光合作用車呀！

雖然棵樹插得咁正中間，搞到疑似裝置藝術咁，其實真係佢自己跳落去㗎。是咁的，強國一個商場要修葺下個空中花園，所以劈走啲比較高嘅樹，而呢棵疑似鍾情寶馬嘅樹就一嘢跳咗落司機位喇！

商場掃走晒其他葉同樹枝，但係就乾乾淨淨咁留返架喺度冇拖走喎，結果棵樹除咗成功幫架寶馬變咗環保車，仲冇啦啦變成個景點，成堆人去打卡?！

強國呢棵樹就搭到寶馬～但係西環呢幾棵樹就冇咁好彩，被逼搭垃圾車走咗咋......

封面圖片及資料來源：鳳凰網