好多人當熊公仔係好朋友，就算去旅行唔會漏低佢哋，而今次就有人帶咗熊仔界裡面出晒名嘅賤熊搭飛機喇！不過跟埋去都算喇，呢隻賤熊仲霸氣到搭埋霸王機?呀！

日本有個網民同賤熊一齊搭飛機嘅時候，隔籬位竟然空咗冇人坐喎，咁就梗係要畀賤熊佢出嚟唞唞氣啦。坐一陣好喇，小心畀人發現呀～！

喂、喂，空姐行緊埋嚟喇，仲唔匿埋？......點知空姐見到賤熊坐喺度，竟然冇叫佢補飛，仲整咗份迷你三文治畀佢～

唔止咁，熊仔朋友食完三文治仲有咖啡嘆?～

坐霸王飛機坐得咁開心，仲要有特別待遇，而家做熊仔大晒呀？講起嚟，上次送隻熊仔做禮物嘅時候，女神難得唔彈鐘呀，睇嚟熊仔喺毛孩界嘅地位真係超然㗎......

封面圖片及資料來源：alccafe/twitter