喺香港做選民真係好幸福㗎！又有蛇齋餅糉食啦，得閒又可以參加啲由區議員搞嘅香港一日遊！唔講唔知，原來而家呢啲一日遊行程好有創意㗎喂！分分鐘可以去埋個區議員個仔嘅百日宴?呀！

有網民就同大家開心些牙呢個一日遊傳單，開頭啲行程都算正正常常……冇咩特別！但估唔到原來亮點係放喺最後面，就係有得參加呢個區議員個仔嘅百日宴呀！成班網民見到之後都留言鬧爆，話you are not my biological son喎，冇啦啦做咩要畀錢去你個仔嘅百日宴咁樣樣呀！

唉，毛毛9估，其實呢個區議員只係想拉近自己同市民嘅距離，所以先搬埋自己屋企人出嚟啫，用心良苦㗎真係！

禮義廉都要跟佢學下嘢啦，而家剩係成功爭取兩個位已經唔夠㗎喇！btw，毛毛聽講呢位何議員其實好似係真建制假獨立㗎喎……嗯，唔怪知得作風都差唔多啦！嗱毛毛意思係佢哋都係專做實事咋下！

封面圖片及資料來源：將軍澳 

回帶：【皇恩浩蕩】禮義廉成功爭取兩張櫈！