毛毛以為強國地大物博，應該唔會好似香港咁，有土地問題吖！但原來就算大把地都好，佢哋都好識善用空間㗎！

有網民喺上海坐地鐵嘅時候，諗住去放個水，點知去到廁所嗰陣就畀眼前個大媽嚇到個心都離一離呀！

係呀！你冇睇錯！毛毛都冇眼花！呢個大媽喺一個公廁入面劏魚呀！真係極之善用空間同公共設施喎！個網民仲話，大媽劏完魚之後搞到成個洗手盤都係血，但係佢完全當冇事，頭也不回咁拎住條魚就咁就走咗。而當呢個網民離開廁所之後，竟然驚覺隔離個男廁，又有個阿叔好有氣勢咁，拎住條魚行入去……唔通呢排強國興喺公廁整嘢食？

唉，劏魚嘅嘢你哋識啲咩吖！可能個大媽覺得個廁所有天地靈氣，喺嗰度劏魚零舍有鮮味又話你哋知咩！反正啲魚……都會乾淨得去邊㗎啦 ！55。

封面圖片及資料來源：新聞晨報