講個秘密你知，其實毛毛同港姐倫一樣，由細到大最鍾意睇嘅電視節目就係選美喇！嗱，唔好以為毛毛係鍾意睇嗰啲著晒三點式嘅佳麗喎，識睇梗係睇小友台亞洲亞洲嘅亞洲先生選美啦～hehe～

喂，而家內在美唔係美呀，選美選內在美唔得嘅咩？就好似日本呢個動物園，佢都搞美猴王選舉啦～睇下啲參賽者先……美？邊度美呀？睇過？

呢個選舉可以喺現場或者去佢哋個網站投票，不過如果一定要毛毛揀的話，毛毛就會揀14號佳麗喇，睇落好似靚仔啲嘛～咦！咪住先，睇真啲人嚟嘅喂？

哦，原來佢係動物園嘅員工嚟嘅，咁都要同班馬騮爭美猴王呢個獎？毛毛分個獎畀你好過啦！不過咁，其實阿達唔知咩文都講過，人類都係由馬騮進化而成咋嘛，好似係～咁同返自己啲遠古祖先爭獎又好似講得通嘅……

睇唔睇到呀，最尾瘋狂打緊字嘅嗰個咪就係出緊post畀你哋睇嘅毛毛囉～

封面圖片來源：biglobe
資料及圖片來源：biglobe、蘋果日報、examiner
更多選舉回帶：【最有創意煙灰缸】灣仔煙民選舉