有時養貓，就好似捲入一單世紀大騙案咁，但係做貓奴嘅，又會樂在其中，永不超生，於是就每日都畀主人呃到再發現真相再上釣再發現真相無限loop。

就好似呢隻喵星人咁，想食mummum嘅時候就碌大對水汪汪嘅眼仔，眼定定咁望實你……望到你成個心都融晒喇。好喇好喇，想食幾多都畀你呀下。

如果你一唔畀嘢佢食，就即刻！立馬！9秒9變臉！使唔使反晒白眼呀衰嘢！

算喇，丁住第二隻主人先！呢隻匿埋喺水杯後面嘅貓貓真係超打耳！眼仔大大，應該係喵界女神～

點知……換個角度睇…… 竟然變咗個大叔！個樣仲要係（-_-）咁樣樣。喂喂喂，到底是咪真係同一隻喵嚟㗎？毛毛用個水杯照妖鏡，呀唔係，照喵鏡就睇清楚你真面目！成日扮萌呃罐罐食呀嗱？

可能玻璃真係喵星人嘅天敵，任何貓貓只要企喺玻璃後面，就會露出真面目！呢隻喵星人原來係嚟自數碼世界㗎！

封面圖片來源：我不是腿短我只是身體長

資料來源：tongarirooms/twitter、我不是腿短我只是身體長、reddit