又係毛毛教大家人生大智慧嘅時間喇，古乳有暈，馬賽冇咗隻馬，又點知唔係福呀？呢句說話，雖然冇咩親切感，但毛毛真係覺得好有大道理，所以誠意推薦呢個故事畀大家。

話說呢，台灣有個後生仔，佢失戀喎！然後佢就喺背脊貼住張紙寫住「失戀環島中　請為我加油」，再踩住架機車去勻全台灣。佢空虛寂寞凍嘅背影畀網民影低咗，一夜之間，有成7萬個網民畀like佢，仲有成萬個留言同佢加油打氣呀！

呢個失戀環島哥仲成為咗紅人，有網民喺便利店見到佢行蹤，都立馬影低post上網，仲話自己買咗杯奶綠畀佢同佢加油～

毛毛見到咁多人留comment同佢打氣，又讚佢真男人，隔住個mon都覺得好滾動！唔怪得之人哋話台灣最美的風景是人情啦！真是超有愛的哦～！

毛毛都失緊第100001次戀呀嗚嗚嗚……女神又請毛毛食檸檬喇……毛毛都唯有帶埋個老朋友去失戀環島遊啦……香港島呀I mean。

封面圖片、資料來源：爆料公社