眾所9知，某個鄰近經濟強國嘅騙徒手法層出不窮，又識得扮速遞、扮大肚、扮係你fd子要你幫佢買點數卡，而用假銀紙就更加係經典中嘅經典！佢哋仲識得喺舊有嘅手法入面尋求突破，真係騙案界嘅人才呀！

噚日就有網民喺facebook些牙有個強國騙徒想老點佢媽咪嘅故事。是咁的，話說呢個網民嘅媽咪喺上水開舖嗰陣，有個強國人冇啦啦畀咗呢張銀紙佢，仲話係新銀紙嚟，問媽咪收唔收。摩擦力很強嘅媽咪梗係唔會收啦，拎咗張銀紙影相之後問個強國人係點得嚟，佢就聲稱話係有人畀佢叫佢嚟買嘢喎～

咦，乜呢間銀行開到去津巴布韋喇？就算係冇讀過書嘅毛毛都知，香港嘅英文係Ｈong Kong，唔係Zimbxxx唔識串啦！仲要有幾嚿唔知係SSS定大石喺張銀紙上面，做咩啫扮望夫石呀！人做石你做石冇人識你喎而家。唉，臨時演員都演員，想呃香港人畀少少誠意好冇呀？

不過講真，可以將兩個完全唔關事嘅國家嘅銀紙印埋一齊，強國人都算係幾有創意嘅。包容下啦包容下啦，55。

封面圖片及資料來源：Sammy Wan