「同熱愛這片土地，大家刻骨銘記……」毛毛聽講喺毛記分獎禮嗰晚，呢首歌搞喊咗好多人，連毛毛都聽到眼濕濕，一地都係。因為大家都愛香港，當呢個地方係自己屋企，所以先會咁著緊。香港人，其實真係好有愛㗎！

今日呢個post喺網上瘋傳，仲感動咗過千網民呀！是咁的，話說呢個網民想買火機嘅時候，咁啱得咁橋就見到街邊有個婆婆擺緊地攤賣火機，$1一個，於是就決定幫襯佢。

喺幫襯婆婆嘅途中，網友同佢傾咗好多嘢，由自己嘅孫仔，講到去而家嘅正苦。因為時間關係，毛毛已經幫大家整咗個婆婆金句節錄喇！

原來婆婆同佢嘅老公嚟咗香港已經六十年。佢話以前想上樓，捱幾年都一定上到。但而家班後生仔都唔知要等到幾時先有機會。佢仲話自己個孫仔試過畀啲水貨客搞到奶粉都冇得飲，出嚟擺地攤，就係為咗賺返啲錢，新年嗰陣可以封利是畀孫仔。連婆婆都可以睇得咁透，咁有智慧，唔知個所謂正苦又做緊咩？搞到一個老人家都要出嚟擺地攤咁辛苦呢？婆婆，你要加油呀！如果有壞人想捉你，記住大聲叫唔好呀！

封面圖片及資料來源：Kurt Lin