毛毛有啲唔相信自己嘅眼睛，今日元朗發生咗件有愛到不得之了嘅事呀！有位好心人見差人抄牌於是幫一個唔識嘅車主入咗錶，雖然只係幫佢畀咗兩蚊，不過就足足幫位車主慳咗成幾百蚊！

幫佢入錶不突止，仲要留埋張有哈哈笑嘅紙仔畀車主，呢個車主睇到一定心情好足一日啦！

呢位善長嘅義舉得到一班網民嘅強烈好評～

呢啲咪人情味囉！正苦唔該學吓嘢啦，明明香港地周圍都係人情味，係唔知點解正苦啲人成日做埋啲嘢令人把幾火。

好似呢個好心人突登將啲分類紙皮同垃圾分開留返畀啲阿婆執，點知咁都畀食環罰咗千五呀！好人都罰！！阿婆嘅米路都斷！！係人唔係呀？！！！！

唉如果香港地上下都好似嗰位入錶哥哥咁有人情味，你話幾好，你話幾好呢可？

來源：Rodman Ng/小心駕駛(討論別人駕駛態度)、Benson Tsang