唔知係咪強國啲奶粉添加特別多嘅營養，搞到啲小學雞都寧舍早熟，小學二年班啫，就學人寫埋啲情書嚟媾女！毛毛仲係小學雞嗰陣，都唔知咩叫做愛呀！

嘩！咁鬼肉麻嘅嘢都寫得出？「我知道我學習不好，但是我長的帥呀......」，帥？邊度帥呀？睇過？傾計冇圖冇計傾喎～仲話「希望20年後，陪在我身邊的那個老太婆還是你」?，喂，老老竇竇，廿年後咪最多廿七八歲，頂多都係中女啫，咁就叫人做老太婆，毛毛係女都唔騷你啦～

其實，小二嘅作文嚟講都算高汁㗎喇～不過寫情書呢家嘢，使咩自己寫㗎，用情書產生器就得啦！

你睇下有幾多成功的例子，等毛毛都試下先～ 打晒啲資料入去再copy and paste就得喇！

希望盤菜見到會接受毛毛嘅愛意啦！I am 隨時ready㗎，call 我啦！

封面圖片來源：央廣網
資料及圖片來源：央廣網、情書產生器