毛毛作為追求法式旋轉生活態度嘅偽時尚青年，間中梗係要食下好西餐，鋸下排扮晒上菜咁啦，不過，你明啦，哪有錢食貴嘢呀，所以咪成日食埋晒啲韌過拖鞋嘅牛排，要拎住把刀死鋸爛鋸先鋸得開囉……

唔通呢位台灣網民是咪同毛毛一樣，食緊塊好韌嘅牛排呢．搞到佢唔小心出多咗啲啲啲啲力，一切落去，個碟，咁就爛咗嚕～咁都切得爛，話唔定其實隻碟根本唔係碟，係豆腐份子料理喎？

嘩，話晒西餐廳呀，切爛人哋隻碟，都唔知要賠幾錢呀！但係呢間餐廳竟然冇叫佢賠錢不特止，仲立馬整過份牛排畀佢！聽講當時個網民已經食到勁飽，叫餐廳整份細啲嘅得喇，但餐廳就話已經為佢準備好喇！服務使唔使好成咁呀？

不過毛毛突然醒返起，強國製嘅刀一嘢切落個日本出產嘅椰菜度，把刀都斷咗啦，所以切牛排切到碟都爛埋，真係唔出奇喎。

毛毛好似隱約見到個碟底寫住啲嘢呀…… 希望係毛毛多心啦唉。

封面圖片、資料來源：何立雯

延伸閱讀：【日本製VS強國製】唔係切個菜都斷呀嘛？