子瑜被道歉件事，毛毛睇到心悒，但強國人就睇到無限商機呀！

無錯，就係子瑜道歉嗰陣著嘅黑色高領冷衫，被淘寶賣家包裝成2016早春道歉款上架，仲全國包郵?～

咦，又話全國包郵嘅，點解唔包香港、澳門同台灣㗎，唔是話大渣都是中國撚不翁分那麼細嘅咩？點解要毛毛畀運費呀？政治不正確呀喂！淘寶傷害毛毛感情呀！

不過當毛毛再睇嘅時候，呢件2016早春子瑜道歉款嘅衫已經下咗架嚕，咁快畀祖國河蟹咗嘅喂！

其實萬能嘅淘寶搶盡先機都唔係第一次㗎喇，之前試身室gathering事件，淘寶都即刻用「男主角同款」嚟做賣點呀。


手機殼、眼鏡、包包、gathering tee乜都有㗎（雖然好快被下架嚕），一出咩事即刻拎嚟發財，都幾體現到同胞互助精神吖喂！真係血濃於水喎！

封面圖片來源：淘寶網
資料及圖片來源：淘寶網、台灣蘋果日報
萬能淘寶回帶：【商機無限】試身室gathering下集