老竇講呀，毛毛呢啲零自信嘅毒L，有時都想學下啲男神咁自拍㗎，不過一見到自己個樣就……算啦，都係冇嘢喇，其實睇女神啲自拍都一樣治癒嘅，都仲係未平伏到心情嘅話，不如睇下喵星人自拍啦～！

就等呢隻咁chok嘅喵星人教大家特別嘅自拍技巧啦！嗱，自拍嚟講呢，最緊要係三七面，咁就可以有個小臉效果喇！

唔信？即刻嚟個反面示範，低炒係咪即刻睇落肥好多呢？咩叫角度嘅重要性，明白晒啦？

又或者試下用啲小道具呀，就好似啲挨豬女神鐘意用零食呀毛公仔呀化妝品呀咁遮住半塊面影相，懶係卡哇依又搏人覺得佢塊面好細咁～

仲有呀，光線都好重要㗎！呢啲咪就係女神，呀唔係，喵神光囉！

自拍＋伸脷，一個字：冇，得，輸。

佢唔止自拍㗎，仲有唔少相相係同埋啲狗朋狗友一齊影！佢揸機技術真係唔錯喎喂，打破咗揸機實係最樣衰嘅定律！

不過佢隻狗狗朋友就好似學唔到特別嘅自拍技巧喇，又低炒又唔識chok表情 ，零分重影呀！

封面圖片、資料來源：yoremahm/ instagram