毛毛呢啲廢青，樓就上唔到㗎喇，不如學吳焗腸咁去日本玩下算啦！不過毛毛都好驚搭飛機嗰陣會遇到啲奇怪乘客㗎，你知啦即刻冇晒mood㗎嘛，好似遇著個會瘋狂放臭屁嘅，你都唔知嘔好定喊好喇。

喺外國就有個網民post咗張相，係佢個空姐媽咪返工時喺乘客度收到嘅一條餐巾嚟嘅。巾上面寫住一堆英文字，毛毛Google Translate完之後，都勉勉強強譯到畀大家知啦。是咁的，個乘客話唔知邊個啦，總之就係喺第10至12行嗰度聞到好大陣臭味傳入佢的鼻。而呢股臭味，笨唔係正常人可以產生到嘅，所以佢覺得個放屁乘客好可能有病，希望個空姐可以開咪勸佢去睇下醫生。最後有冇真係開到咪，個網民就冇交代，之不過原來放屁太臭真係可能有病㗎！

有網民睇完張相之後都喺下面分享咗佢嘅故事，佢話佢以前個大學roommate都試過放咗一個沼澤級嘅屁，佢講笑咁同個roommate講去睇下醫生啦，點知過幾日之後個roommate真係發現自己有腸胃炎呀！所以話呢，屁呢家嘢雖然講唔出啲咩大道理，但真係要好好重視㗎！

屁就話反映到身體狀況啫，如果係遇著臭腳人呢？真係隔住個mon都覺得......空姐！有人帶生化武器上機呀喂！

我恐懼！我害怕！可唔可以搵個空姐嚟催眠我呀？

封面圖片來源：imgur

資料來源：imgur、reddit、網絡大典

回帶：【隔住個MON都】強國大媽搭飛機 成對腳放上扶手