是咁的，英國有個8歲小朋友Ronnie Hazlie，前排同阿媽一齊睇有關食物銀行嘅紀錄片，點知就睇到佢O晒嘴喎，因為佢完全唔敢相信呢個世界上竟然會有人冇嘢食呀！

不過佢就梗係唔會好似你哋咁，睇完就算9數啦，佢阿媽話囝囝由嗰時開始就決心要幫手收集罐頭送畀啲窮困家庭嚕～

唔止呀，佢仲日日嘈住阿媽話要每個人都知佢收集緊罐頭?，所以阿媽咪喺fb發起收集罐頭活動，希望大家幫幫手囉～而有啲住得遠嘅市民就直接寄錢畀佢，等佢可以用啲錢嚟買罐頭，最後佢收集到519個罐頭呀！

嗚哇！連小朋友都知道「幫得就幫」呢個道理，你哋慚唔慚愧呀......唔講啦，毛毛去面壁先。

封面圖片及資料來源：英國鏡報