強國堂堂一個文化大國，擁有幾千年嘅歷史，古董文物呢啲嘢多不勝數！又點會介意嗰一件半件喎。好似最近喺四川就發現有村民將塊疑似係清朝文物嘅牌匾，拎嚟當砧板切菜呀！

呢塊牌匾上面寫住「醇厚端方」四個大字（可能毛毛讀書少啦，唔知點解呢四個字分開嚟睇就明但放埋一齊就完全唔知點解），相傳係清朝嘅三省提督張必祿送畀村民嘅，不過就仲未經過國家嘅文物部門驗證。

不過個村民就話唔知咁多，剩係知道好耐好耐以前因為舊居要用嚟起鐵路，新屋起好之後又冇位放個牌匾喎，咪用得唔好嘥，拎嚟當砧板囉！

睇真啲，而家塊牌匾上面又真係有好多刀痕喎！反正啲文物都得個擺字，咪用住先囉！既方便又快捷吖嘛！分分鐘仲好用過啲強國製嘅真﹒砧板?喎！

連文物都可以物盡其用，強國人真係好有L頭呀！

封面圖片來源：四川新聞網

資料來源：中華網、博聞網