老母黑暗料理，相信大家都見唔少。但如果以地獄級嚟計嘅話，老竇分分鐘先係真大佬呀！台灣有個網民就傷心些牙佢老竇嘅事跡，睇完真係喊出嚟......是咁的，話說呢個老竇不嬲都好有實驗精神嘅。有日放假，佢就冇啦啦捉樓主起身，話要煮粥佢食喎。點知一煮完煲粥就出事喇……

有奇異果啦、幾粒不知名黑暗物質，仲有兩條軟綿綿好似SSS咁嘅嘢飄浮喺碗粥上面，毛毛隔住個mon見到都冇晒胃口……可想而知樓主嗰陣時嘅心情會係幾L複雜。

佢老竇仲要巧叻叻咁同樓主炫耀話佢煮嘅粥酸酸甜甜包好食喎！嗯，毛毛都覺呀！可能呢種就係來自地獄嘅味道啦！識食一定係食呢啲！

而樓主憑住佢堅強嘅意志，無比嘅勇氣，終於清晒碗粥喇！佢仲封咗老竇係新一代居家煮粥界嘅輕狂小王子?！計毛毛話，老竇肯煮嘢畀你哋食呀，執到啦你！毛毛都係日日食杯麵咋！Btw，如果有興趣跟呢位居家煮粥界嘅輕狂小王子學煮呢碗奇異果粥嘅，可以睇下個食譜喎：

煮完食埋，捱得過之後你就可以進化成奇異花㗎喇，好似係。

封面圖片及資料來源：批踢踢