唔知啲咩人用自己方式搭飛機，可以搭到一地都係垃圾，落機嘅時候仲亂過高空堆田區呀，想做死班機組人員咩陰公。

有一個關於航空服務嘅page「飛魚走翅」upload咗幾張相，架飛機好似經歷咗地震加打風嘅災後場境咁，啲垃圾散到一地都係，見到同事執到死死下都睇唔過眼呀！

仲有啲枕頭呀被呀薯片呀掉到一地都係，成地都係碎吸塵都難吸呀。

其實就算有垃圾都好，pack好一包放好真係咁難咩，啲櫈排得咁密其實好難打掃㗎，要逐張逐張執櫈底啲垃圾要烏低身幾多次先執得完？好多機組人員搞到腰骨勞損都係因為咁呀！不過呢個post下面有行家話「呢班已經比較好」，毛毛都唔敢想像，比較唔好嗰啲機係咪亂到啲櫈插晒上天花板？

唔知呢班有特色嘅乘客係唔係好鍾意留底自己嘅痕跡先叫做去過去過旅行呢，之前有個據稱係飛機師嘅網民仲upload咗個飛機窗簽名collect唇，仲要係唔知帶咗咩利器先刻得到啲字上去。

唉呢堆貴客咁難服待，真係辛苦晒班機組人員喇！

來源：飛魚走翅、Jeffwell/微博