記得以前讀大學住hall嗰陣，個雪櫃係放喺common room度嘅，個個都用得，所以有啲咩貴重嘢好似雪糕呀可樂呀呢啲都要時不時去望兩望，以防畀人拎咗嚟食吖嘛（不過好多時毛毛出到去睇都已經畀人一鋪清袋……）！而台灣有個網友就係因為成日畀室友偷嘢食，結果諗咗一個神方法出嚟報復呀！

古乳有暈，以其人之道還治其人之身！咁L鍾意食吖嘛，就整啲正嘢畀你食囉！呢個網民就自創「紙皮雞扒」呢道創意菜，博個室友中伏呀！

要成就呢番大業，準備工夫係唔少得嘅。首先要去搵紙皮，將佢剪到兩塊差唔多大細嘅長方形。

之後再剪成兩個橢圓形，你想塊雞扒「多肉」啲嘅，咪整大塊啲囉。剪完之後用雙面膠黐住。

跟住嘅步驟就好似真係煮緊餸咁，沾炸漿粉，落鑊炸9佢！

就係咁，你就得到一塊真﹒紙皮雞扒了。之後要做啲咩？唔係仲要毛毛教呀？梗係拎去請仇人食啦！復仇勇者仲唔係你！（溫提小心唔好自己食返呀下。）唔講住喇，毛毛都要整定幾塊畀啲同事食呀……

封面圖片及資料來源：dcard