2016年01月20日 星期三
【幾凍都想去】台灣合歡山超打耳雪龍貓
有啲天氣預測網話今個星期日香港會落雪，毛毛唔止凍到震，仲興奮到震呀～毛毛準備好去砌雪人㗎喇！呀唔知砌咩公仔好呢？
香港今日15度你班廢青已經嗌晒凍話唔想出門口，咁點去台灣呢個最新打卡景點呀！而家合歡山已經落咗厚厚嘅雪喇，唔少人都特登上山去賞雪㗎～
咁難得上到山，梗係唔會淨係影張相就算啦，仲要做埋平時冇可能做到嘅事，砌！雪！人！台灣有個超強神人喺合歡山砌咗個勁打耳龍貓出嚟呀，個咀仔入面仲要有3隻細粒BB㗎～好多網民睇到相都話要上山去搵雪龍貓影相呀！
原來仲有人將個超強神人砌雪龍貓嘅過程拍低咗放上YouTube，毛毛真係戥佢凍呀…… 部相機呀I mean。
日本嘅宮奇駿博物館出面，都有人砌咗幾隻龍貓仔㗎～咁打耳，毛毛都想即刻飛去玩下雪呀……不過首先你要有錢……同假期呀。
算啦，毛毛都係期待下今個星期日香港落嘅雪實際啲喇。不過好可能都係砌成咁㗎咋……
封面圖片來源：歐陽百杰/●【爆料公社】●
