其實呢，毛毛一直都好鍾意睇波......咪心邪，毛毛係講緊睇真・足球呀！是咁的，聽講最近足球界發生咗單感人嘢，各國網民都搵緊一個小球迷出嚟......喂，邊個小球迷咁巴閉呀？

原來呢個小球迷係一個嚟自阿富汗嘅細路，佢好有心機咁用膠袋整咗件10號美斯、藍白間嘅阿根廷波衫，仲著埋上身?！嘩嘩嘩，為咗足球你可以去到幾盡？

呢張相喺外國瘋傳之後，一班網民除咗感受到佢對足球嘅熱血之外，仲好心酸，好想搵呢個細路出嚟送件美斯波衫畀佢，可惜到而家都未搵到佢嘅下落。

而有位美斯嘅Fans就將呢件事話咗畀美斯團隊知，連佢哋都話好希望可以送波衫畀呢個細路！

如果成功搵到呢個細路嘅話，佢就可能會拎到真・美斯波衫㗎喇！真係諗起都戥佢開心～嗚嗚，呢啲咪人間有愛囉，希望女神都早日送件溫暖牌畀毛毛啦......

封面圖片來源：standard.co.uk、metro.co.uk

資料來源：metro.co.uk