呢個世界，有人試過拎錯獎，亦都有人頒錯獎。

唔知大家仲記唔記得呢位司儀？佢就係之前喺環球小姐比賽度頒錯冠軍畀哥倫比亞小姐個大會司儀，仲搞到人哋畀人強行除返個后冠，失望到喊出嚟！

如果畀毛毛犯呢啲錯，真係成世捐入被竇唔敢見人，之不過呢，人總需要勇敢生存，呢位司儀Steve Harvey就邀請返哥倫比亞小姐Ariadna Gutierrez上自己節目，希望佢可以原諒自己嗰日犯嘅錯！一見面梗係攬攬先啦，這些機會⋯⋯

之後都係傾下近況，呢排點呀，啲閒話家常嘢Ice breaking下先。

傾下傾下，雙方終於進入直路，司儀首先開口：「發生呢件瘀事之後，你係我最想見嘅人，因為我真係好想面對面親口同你講聲對唔住呀，我知嗰晚令到你好失望⋯⋯」

Ariadna Gutierrez就好大方咁答：「每個人都會犯錯，唔好再怪自己，我一早己經原諒咗你喇！」Steve Harvey聽到之後都放低咗心頭大石，眼濕濕咁多謝佢。

最後點？梗係Happy Ending啦，唔通會有李思捷毛啦啦9衝出嚟懶搞笑咁話今晚玩李咩！節目最後哥倫比亞小姐同司儀總結一句：「don’t beat yourself up for this anymore. Come on, let’s move forward, let’s just be happy.」雖然毛毛唔係好知佢講乜呀，但係都覺得好有道理。呢啲咪真・美貌與智慧並重囉！

雖然佢哋冇BBQ又冇跳起Yeah，但毛毛相信呢個畫面係呢件事嘅最好結局，唔單止因為感人，仲因為下次毛毛做錯嘢，可以同腦細講：dun beat me up for this anymore la！ Come on James, move forward! let us work happy and add me salary！係咪先！係咪先！

 節目片段：

唔知乜事可以回帶：【環球小姐選美】主持人頒完冠軍先知睇錯名？

封面圖及資料來源：uinterview