每日重重複複咁忙碌工作，你有冇試過停低靜一靜，諗下對你嚟講，人生入面最重要嘅係咩呢？

英國有一位18歲少女Jess Fairclough患上罕見癌症，但生命進入最後倒數階段嘅佢並冇放棄自己，反而用紙筆寫低認為對佢最重要嘅事。

喺Jess眼中，最重要嘅係：「同家人朋友共處」、「寫日記、以拍攝紀錄生活」、「凡事幾壞，都要著眼喺美好嘅一面」、「閱讀、聆聽、交談、書寫、繪畫、做音樂」。最後佢仲話：「我相信生命嘅秘密係開心和盡可能善待其他人」。

可能我哋都冇辦法了解到一個臨終嘅人嘅心情同想法，但佢嘅人生最重要事情清單，就好值得我哋細讀，進一步反思，人生入面所謂重要、次要嘅係咩。我哋都唔知道聽日會發生咩事，不如抽少少時間諗下，如果自己都進入生命最後階段，最令你重視、唔捨得嘅係咩，然後好好珍惜、享受呢啲事情吖。

封面圖片、資料來源：英國《每日郵報》