話咁快就嚟又到一年入面最驚見到親戚嘅日子－新年喇！小朋友，知唔知今年係咩年呀？知！咁係咩呀？……

OK，係猴年呀～央視喺微博post咗猴年春晚吉祥物「康康」，係隻一睇就知係馬騮嘅馬騮呀～不過強國出品，梗係唔係成身毛嘅馬騮仔咁普通啦，而係打破5000年嚟「又紅又綠馬騮衣服」嘅傳統，突破性咁加入埋黃色！大大力咁令廣大同胞對馬騮嘅形象改觀！

呀隻康康咁打耳，唔知同胞們又點睇呢？大家都熱烈激讚呢隻一流兼非主流design嘅馬騮仔呀！毛毛見到馬騮仔咁受歡迎，都好戥佢開心呀～話晒都係福話個設計師design㗎嘛，梗係有返咁上下功力！

有網民仲話因為呢隻吉祥物，好自豪自己係屬猴?呀～

原本康康個design係咁嘅，用水墨畫風格畫出嚟，都幾有中國特色呀～不過時代唔同喇，點睇都係3D版最in最潮！唔係啲番鬼佬以為我哋強國同胞連畫隻3D畫都唔掂呀！今次終於威返次！

聽講呢，11月嗰陣央視公佈咗4個唔同design嘅猴年吉祥物畀網友4揀1嘅，最後就公平公正公開咁定咗第5個選擇康康囉～
強國式民主自由，喺一隻吉祥物第身上已完美體現了！